Lodde ved Island, Aust-Grønland og Jan Mayen
Gyteområda er på sør- og vestkysten av Island, og oppvekstområdet er vest og nord av Island. Områda mellom Nord-Island, Grønland og Jan Mayen er beiteområde. Lodda vert kjønnsmoden ved ein alder på 3–4 år.
Den blir sjeldan meir enn 20 cm lang og eldre enn 5 år.
Namnet har lodda fatt fordi hannen får ei stripe av hårete skjel langs sida i gytetida, då vert den gjerne kalla fakslodde. Hoa har ikkje ei slik stripe og vert kalla sil-lodde.
Lodda ved Island gyter ved kysten av Sør- og Vest-Island. Medan fleire andre loddebestandar gyter heilt oppe i flomålet på strendene, gyter begge desse bestandane på djup frå 10-60 m. Egga vert gytte ved sandbotnen, og limt fast til sandkorna i tida fram til klekking. Dei klekker etter om lag ein månad, og larvene driv med klokka rundt Island.
